…И вручили есмы предстательству митрополію сію по времени сущу блаженнѣйшему патріарху Московскому, да имѣетъ волю совершати невозбранно, елико пользуетъ къ поставленію митрополита епархіи сей по древнему обычаю мѣста того, и избраніемъ общаго совѣта оные епархіи, якоже объявляютъ наши соборные граматы, да имѣетъ хиротонисати блаженство его митрополита Кіевскаго невозбранно, и да будетъ послушенъ митрополитъ въ патріаршескомъ судилище тогожъ патріарха Московскаго по церковному чину; токмо во ежѣ хранитися чести окрестъ вселенскаго престола, и да не будетъ пренебреганіе и лишеніе весьма въ своихъ привиліяхъ, повелехомъ, во ежѣ воспеватися въ митрополіи сей патріаршескому имени вселенскаго патріарха въ первыхъ, потомъ правильно имя патріарха Московскаго, отъ по времени сущу митрополиту во священныхъ литургіяхъ; овое убо хиротоніи ради, юже воспріимаетъ отъ Московскаго и долженствуетъ по правиломъ воспоминати его; ово же памяти ради древнихъ привилій вселенскаго престола; и да будетъ отнынѣ и впредъ симъ образомъ хиротонисаніе Кіевскаго, спасенія ради тамо живущихъ христіянъ.
В издании: Архив Юго-Западной России: Часть 1. Том V. – Киев, 1872. – С. 177.