Потым, при бытности Ягейла кроля и кролевой и всего сенату полского на столицу Великого князства Литовского, Витолт на маестат был проважен в костелЂ святаго Станислава в замку Виленском и там подвышшоный Витолт от Андрея Возилока, бискупа виленского, и был убраный в шапку княжую и шаты к тому належачие, там же ему меч голый и посох маршалок литовский великий и печать княжую отдавал ведлуг звычаю, также и Анна княжна его з ним была поднесена як княгиня литовская. По том триумфЂ кротофили, церемониям тым служачие и належитые, кролъ и панове литовские отправовали, будучи всЂ рады покою, которого при ВитолтЂ сподЂвалися, але их надЂя омылила. A скоро Ягейло кроль з кролевою от[ъ]Ђхал до Полщи, зараз Скиргайло и Швидригайло братия Ягейловы, же Ягейло над них Витолта брата стрыЂчного преложил не великом КнязствЂ, зачали внутрныи войны. Скиргайло был болшей смЂлости, к тому скарбы великии и зычливость во всей Руссии мЂл, зобрал войско против Витолтови, хотячи его выгнати з Вилня и князства Литовского. Швидригайло зас князь полоцкий и витебский, брат Скиргайлов, не был так смЂлый a ни менжний, утЂк до пруских крижаков; там его приняли крижаки пруские велми вдячне, бо мЂли гнЂв великий на Витолта, же их здрадил, замки три спалил и много зацных крижаков побил. A так зараз, зобравши войско, з Швидригайлом до Литвы вторгнули и много волостий огнем и мечем звоевали и з великими добычами до Прус вернулисяй. Учувши тыи жалосныи новины кроль Ягейло зараз до Литвы з Полщи приЂхал и, призвавши брата своего Скиргайла з Руси, упросил его, иж ся з Витолтом поеднал. И так до сполной милости братерской обудвух привел, a иж бы сердце запалчивое и попудливое Скиргайлово ублагал, придал кроль в державу Скиргайлови за дозволенем Витолтовым до князства Скиргайлова Стародуб СЂверский, КрЂмянец Волынский и Старые Троки, замки и волости их. Потым АндрЂя Олгердовича, брата своего рожоного, который то был c прижаками прускими Лукомле и Полоцко взял и Литву звоевал, того з вязеня Ягейло выпустил; сЂдЂл в вязеню лЂт три.