Да воскреснетъ Богъ, и расточатся врази Его, и да бежатъ отъ лица Его ненавидящіи Его. Яко исчезаетъ дымъ, да исчезнутъ; яко таетъ воскъ отъ лица огня, тако да погибнутъ бѣси отъ лица любящихъ Бога и знаменующихся крестнымъ знаменіемъ, и въ веселіи глаголющихъ: радуйся, Пречестный и Животворящій Крестѣ Господень, прогоняяй бѣсы силою на тебѣ пропятого Господа нашего Іисуса Христа, во адъ сшедшаго и поправшаго силу діаволю, и даровавшаго намъ тебѣ Крестъ Свой Честный на прогнаніе всякаго супостата. О, Пречестный и Животворящій Крестѣ Господень! Помогай ми со Святою Госпожею Дѣвою Богородицею и со всѣми святыми во вѣки. Аминь.
